Canciones Sefaradíes

Yo me acodro d’aquella noche
Cuando la luna esclarecio!
Tu percuratfis querer amarme
Hoy m’abandonates por otra muger.

Quen me va querer a mi
Saviendo que yo le quero
Que yo me muero d’amor por ti.

Un hijo tengo muy bien lo saven
Qu’en la mizeria lo fui hazer
D’estonces fui yo desgraciada
Hasta mi mama m’abandono.

Tus ojicos joya mia
De dos reinados los merqui,
Que todo es imposivle,
Qu’a la fin yo los pagui.

Si no me querres joya mia,
Ya me lo puedes dezir.
Que con irme enganado,
Sopilo me vo morir.

El amor es alfinete.
Que a mi me va pinchar.
Y agora ‘sto mirando.
Que no vo poder salvor.

Asentada en tu ventana.
Con tus coltuques blancos,
Ya viene un aire fuerie.
Que a ti arrastara.

Que m’arraste que m’arronje
A la orilla de la mar.
Que me coma el pexe preto.
Para ‘scapar del amor.