Kantes Djudeo-Espanyoles

Tres hermanicas
(Hero y Leandro)

Tres hermanicas eran/ blanca de rosa y rama de flor
tres hermanicas eran / tres hermanicas son.
Las dos eran casadas/ blanca de rosa y rama de flor
las dos eran casadas / la chica con amor.
Su padre en su riqueza/ blanca de rosa y rama de flor
su padre en su riqueza / a Romi lambiyo
En medio del camino/ blanca de rosa y rama de flor
en medio del camino/ castillo le fraguo.
De piedrica minuda / blanca de rosa y rama de flor
de piedrica minuda / cales al dorredor.
Varon que sintio esto/ blanca de rosa y rama de flor
varon que sintio esto/ a la mar ya se echo.
Su cuerpo le hizo barco/blanca de rosa y rama de flor
su cuerpo le hizo barco/ sus brazos remador
Nadando y navegando/blanca de rosa y rama de flor
nadando y navegando/al riyo alcanzo
Echo sus estrenzados/ blanca de rosa y rama de flor
echo sus estrenzados/arnba lo subio.
S’asenta en silla de oro/ blanca de rosa y rama de flor
s’asenta en silla de oro/que nunca s’asento.

Hija hermoza naci yo
Tresalen los mancevos
Y a mi mama me dexó
Que haga lo ma’s negro.

Por la tu puerta yo pasi
Con todos mis amigos
En la tu ventana me pozi
Tanendo’l mandoline

En la puerta me pozi
Con un saksi de ruda
Salio tu mama y me dixo:
No tengo hija hermoza.

Por la tu puerta yo pasi
Te vide en la huerta
Te demandi una condja
Dexifes “no hay avierta”.

A la tornada que torni
La vidi deshojada
De la hoja de la condja
Me vo hazar vestido.

Tus ojicos joya mia
De dos reinados los merqui,
Que todo es imposivle,
Qu’a la fin yo los pagui.

Si no me querres joya mia,
Ya me lo puedes dezir.
Que con irme enganado,
Sopilo me vo morir.

El amor es alfinete.
Que a mi me va pinchar.
Y agora ‘sto mirando.
Que no vo poder salvor.

Asentada en tu ventana.
Con tus coltuques blancos,
Ya viene un aire fuerie.
Que a ti arrastara.

Que m’arraste que m’arronje
A la orilla de la mar.
Que me coma el pexe preto.
Para ‘scapar del amor.